ETOPAZ 
Depay Huntelaara çatdı
Niderland millisi Millətlər Liqasında növbəti matçını keçirib. Yığma komanda Uelsi 3:2 hesabı ilə məğlub edib.
Qələbə topuna son dəqiqədə Memfis Depay imza atıb. Qalibiyyət topunun müəllifi olan “Barselona”nın forvardı “narıncılar”ın heyətində 42-ci dəfə fərqlənib.
Bununla o, Klas-Yan Huntelaarla qol sayını bərabərləşdirərək yığma tarixinin ən məhsuldar ikinci oyunçusuna çevrilib. İndi Depay yalnız Robin van Persidən geri qalır. Van Persinin aktivində 50 qol var.
Qeyd edək ki, Niderland yığması Millətlər Liqasında 4 turdan sonra 10 xalla 4-cü qrupa başçılıq edir.
