ETOPAZ 
“Denver” 47 mövsümdə ilk dəfə finalda
NBA-da mövsümün ilk finalçısı bəlli olub. “Denver” Qərb konfransının ən yaxşısı adını qazanıb.
“Naqqets” “Leykers”lə final seriyasını 4-cü oyunda yekunlaşdırıb. Nikola Yokiç və komanda yoldaşları 113:111 hesablı qələbə qazanıb. Bununla da seriyada 4-cü dəfə qalib gələn Kolorado təmsilçisi quru hesabla qələbəyə sevinib – 4:0.
“Denver” liqadakı 47 illik çıxışı ərzində ilk dəfə həlledici matçlara yüksəlib. “Naqqets”in rəqibi “Boston”la “Mayami”nin duelində bəlli olacaq. Bu seriyada “Hit” 3:0 hesabı ilə öndədir.
