ETOPAZ 
Dembeleyə xüsusi müqavilə
İspaniyanın “Barselona” klubu futbolçusu Usman Dembele üçün xüsusi müqavilə hazırlayıb. Anlaşması uzadılması üçün ona fərqli şərtlər təklif olunacaq.
Fransalı hücumçu indiki maaşından xeyli az məbləğdə vəsaitə yiyələnəcək. Lakin meydanda olduğu hər dəqiqə üçün əlavə bonus qazanacaq. Müəyyən qədər oyun keçirməklə Usman indiki maaşından da artığını əldə edə bilər.
Klub rəhbərliyi bu şərtlərin hər iki tərəf üçün məqbul olduğunu düşünür. “Barselona” onun zədələr üzündən az oynamasından, digər klublardan təkliflər alan futbolçunun maaşın məbləğindən narazıdır. Bu üzdən xüsusi şərtlərlə bağlanacaq müqavilə tərəfləri razı sala bilər.
Qeyd edək ki, Usman cari mövsümdə zədə səbəbindən hələ də meydana çıxmayıb.
