ETOPAZ 
De Byazi: “İmkanlardan düzgün yararlanmalıyıq”
AVRO-2024-ün seçmə mərhələsinin Azərbaycan – Belçika oyununda öncə millimizin baş məşqçisi Canni de Byazinin mətbuat konfransı keçirilib. İtaliyalı mütəxəssis sabah baş tutacaq matç barədə fikirlərini açıqlayıb:
“Təəssüflər olsun ki, sabah bizi ağır oyun gözləyir. Çox güclü komandaya qarşı oynayacağıq. Rəqib FİFA reytinqində 4-cü yerdədir. Sabah cəsarətli oynamalıyıq. İsveç və Avstriya oyunundakı kimi hədiyyə verməməliyik. Yaxşı nəticə qazanmaq istəyiriksə, imkanlardan düzgün yararlanmalıyıq, heç bir səhv etməməliyik. Bizdə belə misal var ki, ümid sonda ölür. Mentalitetim belədir ki, oyundan öncə heç nə uduzmuram, mübarizəni sevirəm. Futbolçu kimi də belə olmuşam. Başa düşürük ki, güclü komandaya qarşı oynayacaöıq. Onlar da bizim kimi insandırlar, futbolçulardır. Sabah ən yaxşısını etməyə çalışacağıq. Rahat, asan oynamalıyıq ki, oyunçular azarkeşləri və özlərini sevindirsinlər”.
