DÇ-2022-də qrup mərhələsində son tura start

DÇ-2022-də qrup mərhələsində son tura start

Bu gün Qətərdə təşkil olunan DÇ-2022-də qrup mərhələsinin III turuna start veriləcək. Mundialın 10-cu oyun günündə iki qrupda mübarizə yekunlaşacaq.

A qrupunun lideri Niderland qrupda qaldığı rəsmiləşən Qətərlə üz-üzə gələcək. “Narıncılar”a 1/8 finala vəsiqə üçün bir xal da kifayətdir.

Ekvadorla Seneqal da tur adlamaq üçün vuruşacaq. Cənubi amerikalılara bir xal da kifayət edəcək.

B qrupunda Böyük Britaniya dueli baş tutacaq. İngiltərə və Uels qələbə üçün mübarizə aparacaq. Digər görüşdə prinsipial rəqiblər İranla ABŞ görüşəcək.

DÇ-2022

Qrup mərhələsi

III tur, 29 noyabr

A qrupu  
19:00. Niderland – Qətər

“Al Bayt” stadionu
19:00. Ekvador – Seneqal

“Xalifa” stadionu

B qrupu
23:00. Uels – İngiltərə

“Ahmad Bin Ali” stadionu

23:00. İran – ABŞ

“Al Tumama” stadionu