ETOPAZ 
Ceyms Harden Larri Berdə çatdı
“Bruklin”in basketbolçusu Ceyms Harden mövsümdə ilk tripl-dablına imza atıb. Müdafiəçi “Detroyt”la qarşılaşmada fərqlənib. Ulduz basketbolçu 127:91 hesablı qələbəyə 18 xal, 10 ribaund və 12 ötürmə ilə töhfə verib.
Harden “Bruklin”in heyətində 13-cü, karyerasında 59-cu dəfə tripl-dabla nail olub. O, bu göstəricidə əfsanəvi Larri Berdə çatıb. Yalnız 6 oyunçudan geri qalan cütlük 7-ci yeri bölüşür.
