ETOPAZ 
Çempiondan ev qələbəsi
Azərbaycan Premyer Liqasında XXXV tura yekun vurulub. Son qarşılaşmada “Qarabağ” “Kəpəz”i qəbul edib.
Qurban Qurbanovun yetirmələri bu matçda 3:0 hesablı qələbə qazanıblar. İlk yarıda Leandro Andrade hesabı açıb. İkinci hissədə Aleksey Kaşuk və Musa Qurbanlı fərqləniblər.
Çempion bu qələbə ilə xallarını 86-ya çatdırıb. 32 xala malik “Kəpəz” 8-ci pillədə yer alıb.
Qeyd edək ki, bu matçdan sonra “Qarabağ”ın qızıl medallar və çempionluq kuboku ilə mükafatlandırılması mərasimi keçiriləcək.
