ETOPAZ 
Çempiondan antirekord
“Liverpul” İngiltərə Premyer Liqasının antirekorduna imza atıb. Arne Slotun komandası çempionluğu təmin etdikdən sonra keçirdiyi ilk üç oyunda qələbə qazana bilməyən ilk komanda olub.
XXXVII turda “Brayton”a 2:3 hesabı ilə uduzan “Liverpul” bunadək “Arsenal” (2:2) və “Çelsi”ni (1:3) uda bilməyib. Premyer Liqa tarixində sona 3 və ya daha çox tur qalmış çempion olan komandalardan heç biri belə seriya ilə üzləşməyib.
Mersisaydlıların 37 oyundan sonra 83 xalı var.
