ETOPAZ 
“Çelsi” Çempionlar Liqası şansını itirdi
“Çelsi” 2023/24 mövsümündə Çempionlar Liqasında oynamayacaq. London klubu Avropanın bir nömrəli klub turnirinə vəsiqə qazanmaq şansını itirib.
Bu, İngiltərə Premyer Liqasının XXXIII turunda rəsmiləşib. “Brentford”a 0:2 hesabı ilə uduzan “zadəganlar” ilk “dördlüy”ə düşməyə nəzəri şanslarını da əldən verib.
11-ci pillədə qərarlaşan “Çelsi” Çempionlar Liqası zonasından 20 xal geri qalıb. 6 matçı qalan komanda bu fərqi aradan qaldıra bilməyəcək.
Qeyd edək ki, londonlular cari mövsümdə Çempionlar Liqası ilə 1/4 finalda vidalaşıb.
