ETOPAZ 
Çarlz Barklinin uğuru təkrarlandı
NBA-nın növbəti oyun günündə “Filadelfiya” “Nyu-York”u 103:96 məğlub edib. “Siksers”in mərkəz oyunçusu Andre Drammond görüşün qəhrəmanı olub. Qarşılaşmaya karantində olan Coel Embiidin yerinə start heyətdə başlayan basketbolçu, 14 xal qazanıb və 38 dəqiqə ərzində 25 ribaund edib.
O, son 34 ildə “Siksers”in heyətində bir oyunda ən çox ribaund edən oyunçu olub. Həmin uğura sonuncu dəfə 1987-ci ildə əfsanəvi Çarlz Barkli nail olub.
Klub rekordu isə Uilt Çemberleynə məxsusdur. O, bir matçda 43 ribaundla yadda qalıb.
