ETOPAZ 
Bürünc kimin olacaq: Xorvatiya, yoxsa Mərakeş?
Bu gün DÇ-2022-də daha bir oyun keçiriləcək. 3-cü yer uğrunda matçda bürünc mükafatçının adı bəlli olacaq.
Bu görüşdə yarımfinalın uğursuzları Xorvatiya və Mərakeş üz-üzə gələcək. Onlar ilk “üçlük”də qərarlaşmaq üçün mübarizə aparacaq. Qətərdəki mundiala eyni qrupda başlayan rəqiblər ikinci dəfə görüşəcək.
1998-ci ildə bürünc, dörd il əvvəl isə gümüşə yiyələnən Avropa təmsilçisi tarixində 3-cü dəfə, yarımfinala adlayan ilk Afrika komandası kimi tarixə yazan Mərakeş isə daha bir ilk üçün meydana çıxacaq.
Qeyd edək ki, DÇ-2022-yə sabah baş tutacaq final görüşü ilə yekun vurulacaq. Həlledici matçda Fransa və Argentina görüşəcək.
DÇ-2022
3-cü yer uğrunda oyun
17 dekabr
19:00. Xorvatiya – Mərakeş
“Xalifa” stadionu
