ETOPAZ 
Budimir rekordçu oldu
Ante Budimir “Osasuna”nın tarixinə düşüb. 33 yaşlı xorvatiyalı hücumçu Pamplona təmsilçisinin La Liqadakı ən yaxşı bombardiri olub.
Bu rekord XXVI turun “Valensiya” ilə görüşündə qeydə alınıb. 3:3 hesabı ilə bitən görüşdə fərqlənən Budimir “Osasuna”da 58-ci qolunu vurub. O, Sabinoya məxsus rekordu arxada qoyub.
Qeyd edək ki, Budimir 2020-ci ildən “Osasuna”da çıxış edir.
