ETOPAZ 
“Böyük beşlik” fəth olundu
Karlo Ançelotti tarixi nailiyyətə imza atıb. “Real”ın baş məşqçisi “Böyük beşlik” liqalarının hamısında çempion olan ilk mütəxəssis kimi tarixə düşüb.
Onun bu uğuru La Liqanın 34-cü turunda rəsmiləşib. “Espanyol” üzərində 4:0 hesablı qələbə qazanan Madrid klubu sona 4 tur qalsa da, çempionluğu təmin edib.
Bunadək “Böyük beşlik”də 4 ölkənin çempionu olan Ançelotti İspaniyada da eyni uğura imza atıb. “Böyük beşliy”in fəthinə 2003/04 mövsümündə İtaliyada “Milan”la başlayan mütəxəssis İngiltərədə “Çelsi”ni (2009/10), Fransada PSJ-ni (2012/13), Almaniyada “Bavariya”nı (2016/17) qızıl medallara daşıyıb.
