ETOPAZ 
“Boston” 5 nömrəni əbədiləşdirir
NBA-nın “Boston Seltiks” klubu 5 nömrəli formanı əbədiləşdirir. Sabiq ulduzu Kevin Qarnettin daşıdığı formanı heç bir oyunçu geyinməyəcək. Bununla bağlı tədbir qarşıdakı mövsümdə təşkil olunacaq.
Boston təmsilçisinin rəhbərliyi bu barədə qərarı hələ ilin əvvəlində versə də, koronavirus pandemiyası üzündən tədbiri təxirə salmışdı.
NBA əfsanələrindən olan Kevin 2007-13-cü illərdə bu komandanın şərəfini qoruyub. O, 2008-ci ildə bostonlularla çempionluq sevinci yaşayıb.
