ETOPAZ 
Benzemaya Səudiyyə Ərəbistanından təklif
“Real”da ayrılıq yaşana bilər. Komandanın hücumçusu Kərim Benzema yeni təklif alıb.
Səudiyyə Ərəbistanı hökuməti 35 yaşlı fransalıya yerli klublardan biri ilə 2 mövsümlük müqavilə qarşılığında 200 milyon avro maaş təklif edib. Benzema təklifi qəbul edəcəyi halda Səudiyyə Ərəbistanı, Yunanıstan və Misirin 2030-cu ildə keçiriləcək dünya çempionatına ev sahibliyi etmək üçün birgə müraciətində səfir də olacaq.
