ETOPAZ 
Benzema “150”yə çatdı
Kərim Benzema Çempionlar Liqasında ilk “beşliy”ə düşüb. “Real”ın hücumçusu turnirin 1/4 finalının “Çelsi” ilə cavab oyununda meydana start heyətində çıxmaqla bunu bacarıb.
Bununla da 35 yaşlı fransalı forvard Çempionlar Liqasında 150 matçda iştirak edən 5-ci futbolçu olub. Onadək Kriştiano Ronaldo (183 matç), İker Kasilyas (177), Lionel Messi (163) və Xavi (151) bu sayı keçib.
Qeyd edək ki, “Çelsi”yə hər iki matçda 2:0 hesabı ilə qalib gələn “Real” yarımfinala yüksəlib.
