ETOPAZ 
“Bavariya”nın uğurlu seriyası sona çatdı
Çempionlar Liqasının 1/8 final mərhələsinin ilk oyunları keçirilir. “Bavariya” Romada “Latsio”nun qonağı olub – 0:1.
Bu məğlubiyyət münhenlilər üçün turnirin 1/8 finalında 2018/2019 mövsümündən sonra ilk uğursuzluq olub. Almaniya təmsilçisi son dəfə “Liverpul”a 1:3 hesabı ilə uduzub və mübarizəni dayandırıb.
Həmin gündən sonra “Bavariya” 1/8 finalda məğlubiyyət üzü görməyib. Komanda 2019/2020 mövsümündə “Çelsi” üzərində iki qələbə (3:0, 4:1), 2020/2021 mövsümündə “Latsio” üzərində iki qələbə (4:1) , 2:1), 2021/2022 mövsümündə “Zalsburq”la heç-heçə və darmadağın (1:1, 7:1) və 2022/2023 mövsümündə PSJ üzərində iki qələbə (1:0, 2:0) ilə yoluna davam edib.
