ETOPAZ 
“Bavariya”dan sülh seriyası
“Bavariya”nın heç-heçə seriyası davam edir. Münhen klubu Bundesliqada sonuncu dəfə ötən il noyabrın 22-də qalib gəlib.
Yulian Naqelsmannın yetirmələri 18-ci turda “Ayntraxt”la heç-heçə edib – 1:1. Bunadək “Leypsiq” və “Köln”lə görüşlər də eyni hesabla nəticələnib.
Ardıcıl 3 heç-heçə edən “Bavariya” mövsümdə ikinci dəfə belə halla üzləşir. Mövsümün əvvəllərində də ardıcıl üç heç-heçə qeydə alınıb.
Ümumilikdə 16 matçdır uduzmayan “Bavariya” bu müddətdə 12 qələbə və 4 heç-heçəyə imza atıb.
