e-Topaz 
“Bavariya”da ilk
“Bavariya”nın futbolçusu Tomas Müller Münhen təmsilçisinin heyətində 600-cü oyununu keçirib. Yarımmüdafiəçinin yubileyi “Auqsburq”la matça (1:2) təsadüf edib.
Bundesliqasının XII turunun görüşündə “600”ə çatan Müller “Bavariya”nın tarixində buna nail olan 3-cü oyunçudur. Onadək yalnız qapıçılar Zepp Mayer (661 oyun) və Oliver Kan (632) bunu bacarıb. Müller Münhen klubunda 600 və daha çox matça çıxan ilk sahə oyunçusu olub.
