ETOPAZ 
“Bavariya” Levandovski ilə müqaviləni uzadır
Almaniyanın “Bavariya” klubu futbolçusu Robert Levandovski ilə yeni müqavilə imzalayacaq. 33 yaşlı polşalı hücumçu ilə anlaşmanın uzadılması barədə razılıq əldə olunub.
Onunla yeni müqavilə 2025-ci ilin yayına qədər nəzərdə tutulub. “Mançester Siti”, PSJ və “Real”ın maraq dairəsində olan forvard Münhen təmsilçisində qalmağa qərar verib.
Xatırladaq ki, Levandovski cari mövsümün 7 oyununda 7 qol vurub.
