ETOPAZ 
“Bavariya” “Latsio”ya uduzdu, PSJ-dən qələbə
Çempionlar Liqasında 1/8 final mərhələsi davam edir. İlk oyunlar çərçivəsində bu gün daha 2 qarşılaşma baş tutub.
“Latsio” “Bavariya”nı qəbul edib. Görüş qarşılıqlı hücumlar şəraitində keçib. Qonaqlar 67-ci dəqiqədə azlıqda qalıb. Dayo Upamekano cərimə meydançasında aşkar kobudluğa görə qırmızı vərəqə alıb. Təyin olunan penaltini Ciro İmmobile dəqiq yerinə yetirib – 1:0. Tərəflərin səylərinə baxmayaraq, matçda başqa qol olmayıb.
PSJ isə “Real Sosyedad”ı qonaq edib. Oyun parislilərin üstünlüyü ilə keçib. Hesab ikinci hissədə açılıb. 58-ci dəqiqədə Kilian Mbappe fərqlənib. Çox keçmədən Bredli Barkola matçda son nöqtəni qoyub – 2:0.
Qeyd edək ki, komandalar arasında cavab oyunları martın 5-də keçiriləcək.
