ETOPAZ 
“Barselona”nın Deyvis planı
“Barselona” “Bavariya”nın futbolçusu Alfonso Deyvisi heyətinə qatmaqda maraqlıdır. Kataloniyalılar klubu ilə müqaviləsi 2025-ci ilin yayında başa çatacaq 23 yaşlı sol cinah müdafiəçisi ilə müqavilə imzalamaq üçün bütün lazımi tədbirləri görmək niyyətindədir.
Münhenli müdafiəçi ilə adı hallanan “Real” hələ də futbolçu ilə maraqlanır, lakin tərəflər arasında hələlik heç bir razılaşma yoxdur. Daha əvvəl futbolçunun Münhen klubu ilə müqaviləni yeniləməmək barədə son qərarı verdiyi və “Real”a keçməyə müsbət baxdığı bildirilirdi. Futbolçu ilə İngiltərə Premyer Liqa klubları da maraqlanır.
Bu mövsüm kanadalı futbolçu klubun heyətində bütün turnirlərin 8 matçında iştirak edib və bir məhsuldar ötürmə edib. Transfermarkt internet portalına görə, oyunçunun təxmini dəyəri 50 milyon avrodur.
