ETOPAZ 
Bəhlul Mustafazadə: “İnkişaf etdiyimizi düşünürəm”
Azərbaycan millisi sabah AVRO-2024-ün seçmə mərhələsində növbəti oyununu keçirəcək. Yığmamız səfərdə İsveçlə görüşəcək.
Qarşılaşmadan öncə mətbuat konfransında iştirak edən müdafiəçi Bəhlul Mustafazadə matç barədə fikirlərini açıqlayıb:
“Düşünürəm ki, iqlim dəyişikliyi bizim üçün heç bir problem yaratmamalıdır. Biz futbolçular tez-tez bu cür halla qarşılaşırıq. İlk oyundakı oyunumuza gəlincə, buraxdığımız qollarda bütün müdafiə xəttinin səhvi vardı. Əslində oyuna yaxşı başlamışdıq. Elə səhvlər oldu ki, şəxsən mən sığortalaya bilərdim, amma bacarmadım. Sabahkı oyunda eyni səhvləri təkrarlamamalıyıq. Hamımız yaxşı nəticələr üçün mübarizə aparırıq. İnkişaf etdiyimizi düşünürəm. Çünki daha rahat oynamağa və qələbələr qazanmağa başlamışıq”.
