Azərbaycanın mövqeyi dəyişmədi

Azərbaycanın mövqeyi dəyişmədi

Çempionlar Liqasının pley-off mərhələsinin ilk oyunlarına yekun vurulub. Baş tutan 4 oyundan sonra UEFA reytinqi açıqlanıb.

Dörd ölkə günü qazancla başa vurub. Almaniya, Belçika, Niderland və Portuqaliya xal hesablarını artırıblar.

Avropada təmsilçisi qalmayan Azərbaycanın mövqeyi dəyişməyib. 28-ci pillədə qalan ölkəmizin hesabında 19,625 xal var. Cari mövsümün qazancı 2,875-ə bərabərdir. Ölkə reytinqi üçün “Zirə” və “Qarabağ” 1,250, “Sabah” 0,250, “Sumqayıt” 0,125 xal əldə edib.

Qeyd edək ki, cədvələ başçılıq edən İngiltərənin 106,624 xalı var.