ETOPAZ 
Azərbaycan Rusiyanı geridə qoydu
Ölkələrin UEFA reytinqində dəyişikliklər olub. Buna avrokubokların II təsnifat mərhələsinin cavab oyunlarının son gününün nəticələri səbəb olub.
Avropa Liqası və Konfrans Liqasında baş tutan matçlar Azərbaycanın da mövqeyinə təsir edib. Slovakiyada “Dunayska Streda”nı 2:1 hesabı ilə məğlub edən “Zirə” ölkəmizin aktivinə 0,250 xal qazandırıb.
Bununla xal hesabımız 18,375-ə yüksəlib. Bu qazancla Azərbaycan 23-cü sıraya qalxıb. İki pillə irəliləyən ölkəmiz Rusiya və Slovakiyanı keçib.
Cari mövsümün qazancı 1,625-ə bərabərdir. Ölkə reytinqi üçün “Zirə” 0,750, “Qarabağ” 0,500, “Sabah” 0,250, “Sumqayıt” 0,125 xal əldə edib.
Qeyd edək ki, cədvələ İngiltərə başçılıq edir – 89,160 xal.
