ETOPAZ 
Azərbaycan mövqeyini qorudu
Çempionlar Liqasının pley-off mərhələsinin cavab oyunlarına yekun vurulub. Baş tutan 4 oyundan sonra UEFA reytinqi açıqlanıb.
Beş ölkə günü qazancla başa vurub. İtaliya, İngiltərə, Fransa və Portuqaliya isə bir təmsilçisi ilə vidalaşıb.
Avropada təmsilçisi qalmayan Azərbaycanın mövqeyi dəyişməyib. 28-ci pillədə qalan ölkəmizin hesabında 19,625 xal var. Cari mövsümün qazancı 2,875-ə bərabərdir. Ölkə reytinqi üçün “Zirə” və “Qarabağ” 1,250, “Sabah” 0,250, “Sumqayıt” 0,125 xal əldə edib.
Qeyd edək ki, cədvələ başçılıq edən İngiltərənin 106,624 xalı var.
