ETOPAZ 
“Australian Open”də ilk büdrəmə
Dünya reytinqinin “Top-10”unda yer alan iki tennisçi “Australian Open”lə vidalaşıb. 8-ci raketka Darya Kasatkina və 9-cu sırada olan Veronika Kudermetova üçün turnir başa çatıb.
Onlar “onluq”da yer alan və yarışa vida edən ilk qadın tennisçiləridir. Darya birinci mərhələnin son günündə, Veronika isə ikinci raundda mübarizəni dayandırıb.
Bu gün “onluq”da qərarlaşan daha üç tennisçi korta çıxacaq. Ons Jaber, Karolin Qarsiya və Belinda Bençiç ikinci mərhələdə mübarizə aparacaq.
Qeyd edək ki, “onluğ”un digər 5 üzvü artıq üçüncü raunda yüksəlib.
