“Arsenal” yenidən zirvədə

“Arsenal” yenidən zirvədə

İngiltərə Premyer Liqasında 9-cu turun oyunları keçirilir. Turun mərkəzi qarşılaşmasında “Arsenal” “Livepul”u qonaq edib.

Görüşdə hesab 1-ci dəqiqədə açılıb. Meydan sahiblərini önə çıxarıb. Qabriel Martinelli erkən qola imza atıb. “Liverpul” buna 34-cü dəqiqədə Darvin Nunezlə cavab verib – 1:1. İlk hissəyə artırılan dəqiqələrdə Bakayo Saka “topçular”ı yenidən irəli çıxarıb. Qonaqlarda isə Roberto Firminyo səhnəyə çıxıb. Braziliyalı 53-cü dəqiqədə hesabı bərabərləşdirib – 2:2. Matçın 76-cı dəqiqəsində hakim “Liverpul”un qapısına 11 metrlik cərimə zərbəsi təyin edib. Bakayo Saka burada da dəqiq olub və komandasına qələbəni gətirib – 3:2.

Bu qalibiyyətlə “Arsenal” yenidən “Mançester Siti”ni keçərək turnir cədvəlinin 1-ci pilləsinə qalxıb. “Topçular”ın aktivində 24, “şəhərlilər”də isə 23 xal var.