“Arsenal” “Mançester Yunayted”i məğlub etdi

“Arsenal” “Mançester Yunayted”i məğlub etdi

İngiltərə Premyer Liqasının 34-cü turunun növbəti matçları keçirilib. “Arsenal” “Mançester Yunayted”lə qarşılaşıb.

Görüş meydan sahiblərinin üstünlüyü ilə başlayıb. 3-cü dəqiqədə hesab da açılıb. Nuno Tavareş fərqlənib. Qoldan sonra da üstünlüyünü davam etdirən “topçular” daha bir qol vurub. 32-ci dəqiqədə Bakayo Saka 11 metrlik cərimə zərbəsini dəqiq yerinə yetirib – 2:0. 2 dəqiqə sonra səhnəyə Kriştiano Ronaldo çıxıb. Superulduz Nemanya Matiçin ötürməsini qolla tamamlayıb.

İkinci hissəyə isə qonaqlar fəal qoşulub. “Qırmızı şeytanlar” bir neçə dəfə fərqlənməyə yaxın olsa da, bu, mümkün olmayıb. Bruno Fernandeş 57-ci dəqiqədə hesabı bərabərləşdirmək üçün gözəl fürsət əldə edib. Lakin portuqaliyalı 11 metrlik cərimə zərbəsindən topu dirəyə vurub. Əvəzində “Arsenal” daha bir dəfə fərqlənib. Qranit Caka adını tabloya yazdırıb – 3:1. Görüş “topçular”ın qələbəsi ilə başa çatıb.