ETOPAZ 
“Arsenal” hücumçusunu satır
“Arsenal” hücumçusu Nikolya Pepeni satmaq niyyətindədir. London klubunun rəhbərliyi forvardın oyunundan narazıdır.
Bu üzdən 26 yaşlı futbolçunun satılması gündəmə gəlib. Fil Dişi Sahili millisinin üzvünün müqavilə müddəti 2024-cü ilin yayına qədər olsa da, “topçular” onu sərfəli qiymətə sataraq, əvəzinə yeni hücumçu almağı planlaşdırır.
Onun xidmətində maraqlı olan ilk klub isə Premyer Liqanın digər təmsilçisi “Nyukasl”dır. Pepe “Arsenal”a 2019-cu ildə “Lill”dən keçib.
