ETOPAZ 
Arif Əsədov: “Xarakter göstərib qalib gəldik”
Millimiz növbəti yoxlama matçını keçirib. Qazaxıstanla baş tutan qarşılaşmada təmsilçilərimiz qələbə qazanıb – 3:2.
Oyundan sonra yığmamızın çalışdırıcısı Arif Əsədovun mətbuat konfransı keçirilib. Sizi onun fikirləri ilə tanış edirik:
“İstəyərdim ki, futbolçularımı təbrik edim. Xarakter göstərdilər. Mövsümün sonudur, yorğunluq var. Buna baxmayaraq, xarakter göstərib hesabı 0:2-dən 3:2 etdik. Komandamıza təşəkkür edirəm. Hamı əlindən gələni etdi ki, psixoloji problem olmasın. Təəssüf ki, ilk standart vəziyyətdən qol buraxdıq. Futbolçulara təlimat verəndə demişdik ki, onların ən təhlükəli silahı standart vəziyyətlərdir. Qorxduğumuz başımıza gəldi. Növbəti qolu buraxdıq. Amma xarakter göstərib qalib gəldik. Hamını təbrik edirəm.”
