ETOPAZ 
Argentina DÇ-2022-də
DÇ-2022-nin final mərhələsinin daha bir iştirakçısı müəyyənləşib. Argentina millisi Qətərdəki mundialda iştirak hüququ qazanıb.
Bu, Cənubi Amerika zonası seçmə mərhələnin XIV turunda rəsmiləşib.
Lionel Skaloninin komandası Braziliya ilə ev oyunundan sonra vəsiqəni təmin edib. San Xuandakı qarşılaşma qolsuz bərabərliklə yekunlaşıb və 29 xalla ikinci pillədə qərarlaşan Argentinanın sona 4 tur qalmış ilk “dördlüy”ü tərk etməyəcəyi dəqiqləşib.
Qeyd edək ki, meydan sahibi Qətərin birbaşa vəsiqə qazandığı mundialda oynamaq hüququnu daha öncə Avropadan Danimarka, Almaniya, Fransa, Xorvatiya, Belçika, Serbiya, İspaniya, İngiltərə, Niderland və İsveçrə, Cənubi Amerikadan Braziliya yığmaları qazanıb.
