ETOPAZ 
“Araz-Naxçıvan” – “Səbail” matçının yeri dəyişdirildi
Azərbaycan Premyer Liqasının 8-ci turunun “Araz-Naxçıvan” – “Səbail” görüşü Sumqayıtda yerləşən “Kapital Bank Arena”da keçiriləcək.
“Liv Bona Dea Arena” stadionunun qazonunda aparılan renovasiya işləri ilə əlaqədar “Araz-Naxçıvan” klubunun rəsmi müraciəti, Peşəkar Futbol Liqasının təftişi və Əsasnamənin müvafiq bəndinə uyğun olaraq bu qərar verilib.
Görüş əvvəlcədən nəzərdə tutulduğu kimi sentyabrın 27-də saat 19:00-da başlanacaq.
