e-Topaz 
“Araz-Naxçıvan” “Qarabağ”a qalib gəldi
Azərbaycan Premyer Liqasında XI tura yekun vurulub. Turun son günündə bir matç baş tutub.
Son çempion “Qarabağ” “Araz-Naxçıvan”ın qonağı olub. Görüşün taleyi ikinci hissədə həll olunub.
Penaltidən fərqlənən Orxan Əliyev Naxçıvan təmsilçisini önə çıxarıb. Son dəqiqələrdə isə Elvis Maşike fərqi iki topa çatdırıb – 2:0. “Qarabağ” bu toplardan yalnız birinin əvəzini çıxa bilib. Olavio Juninyo fərqlənib. Lakin 1:2 hesabı ilə uduzan çempion bununla da liderliyə yüksəlmək şansını əldən verib. “Araz-Naxçıvan” isə liderlərlə xal fərqini azaldıb.
Qeyd edək ki, XII turun oyunları noyabrın 3-5-də keçiriləcək.
