“Araz Naxçıvan” çempionluğunu rəsmiləşdirdi

“Araz Naxçıvan” çempionluğunu rəsmiləşdirdi

Azərbaycan çempionatının 1-ci divizionunda qalib müəyyənləşib. “Araz Naxçıvan” tarixində ikinci dəfə aşağı liqanın çempionu olub.

Azər Bağırovun yetirmələri qızıl medalları 27-ci turda rəsmiləşdiriblər. Son çempion “Qaradağ Lökbatan”ın qonağı olan naxçıvanlılar 2:0 hesabı ilə qalib gəlib.

25 matç keçirən yeni çempion xal sayını 63-ə çatdırıb. Ən yaxın izləyicisi “Neftçi-2” ilə fərqi 11 xala yüksəldən “Araz Naxçıvan” sona 3 tur qalmış rəqibləri üçün əlçatmaz olub.