ETOPAZ 
Amin 100-ə çatdı
Amin Seydiyev “Sabah”ın heyətində 100-cü çempionat oyununu keçirib. Bu, Azərbaycan Premyer Liqasının XVIII turuna təsadüf edib. 25 yaşlı müdafiəçi yetirməsi olduğu “Qəbələ” ilə qarşılaşmada yubiley matçına çıxıb.
Amin 2020-ci ilin yayından “Sabah”da forma geyinir. O, dördüncü mövsüm oynadığı klubda keçirdiyi 100 görüşdə 2 qola imza atıb.
Qeyd edək ki, Seydiyev “Sabah” forması ilə Premyer Liqadakı ilk matçına 2020-ci il avqustun 22-də çıxıb. Onun debüt matçında bakılılar səfərdə “Qarabağ”a 0:2 hesabı ilə uduzub.
