ETOPAZ 
Alves “Barselona” ilə müqavilə imzaladı
Braziliya millisinin sabiq futbolçusu Dani Alvesin “Barselona”ya qayıdışı rəsmiləşib. Bunu İspaniya klubunun mətbuat xidməti açıqlayıb.
38 yaşlı müdafiəçi ilə mövsümün sonunadək nəzərdə tutulan müqavilə imzalanıb. Alves gələn həftədən komandanın məşqlərinə qatılacaq. O, gələn ilin yanvarından meydana çıxa biləcək.
Qeyd edək ki, “San-Paulu”dan ayrıldıqdan sonra azad agent statusuna malik olan müdafiəçi 2008-16-cı illərdə “Barselona”nın formasını geyinib. O, La Liqa təmsilçisi ilə 23 titul qazanıb.
