ETOPAZ 
Alonso rekordun bir addımlığında
Xabi Alonsonun Almaniya kubokundakı qələbə seriyası davam edir. İspaniyalı mütəxəssisin rəhbərlik etdiyi “Bayer” 1/8 finalda “Bavariya”ya 1:0 hesabı ilə qalib gəlib.
Bu, Alonsonun baş məşqçi kimi Almaniya kubokundakı 9-cu oyununda 9-cu qələbəsi olub. O, yarışın XXI əsr üçün rekordunun bir addımlığındadır.
Pep Qvardiola və Lui van Qal Almaniya kubokundakı ilk 10 matçda qələbə sevinci yaşayıb. Onların hər ikisi bu uğura “Bavariya”da imza atıb.
Qeyd edək ki, “Bayer” kubokun son qalibidir.
