ETOPAZ 
Alfonso Dominqesdən gümüş medal
Alfonso Dominqes Paris-2024 Yay Olimpiya Oyunlarında son döyüşünü keçirib. 92 kq çəkidə mübarizə aparan idmançımız final qarşılaşmasına çıxıb.
Fransa paytaxtında ardıcıl üç qələbə qazanan Alfonso həlledici görüşdə Lazizbek Mullojonovla (Özbəkistan) üz-üzə gəlib. Görüş rəqibin 5:0 (30:27, 30:27, 30:27, 29:28, 29:28) hesablı qələbəsi ilə başa çatdığından Dominqes Paris-2024-ü gümüş medalla başa vurub. Bu, onun Olimpiadalarda ikinci mükafatı olub. Boksçumuz Tokio-2020-də 3-cü yeri tutub.
