ETOPAZ 
Alessandro Buoncorno: “Qarabağ” keyfiyyətli komandadır”
“Qarabağ” sabah UEFA Çempionlar Liqası Liqa mərhələsində növbəti matçına çıxacaq. Komanda V turda “Napoli” ilə qarşılaşacaq.
Matçdan öncə keçirilən mətbuat konfransında qonaqların futbolçusu Alessandro Buoncorno iştirak edib. Sizi onun fikirləri ilə tanış edirik:
“Biz möhkəm komandayıq. Sabah böyük bir oyun keçirmək üçün gücümüz və böyük inamımız var. “Atalanta” üzərində qələbə bizə böyük ruh yüksəkliyi verdi. Şübhəsiz ki, həmin oyun çox enerji tələb etdi. Lakin biz eyni zamanda çox güc topladıq. İndi həmin enerjini sabah meydana qoymalıyıq. Çünki qarşıda bizim üçün çox önəmli oyun var. Həmişə öz bacarıqlarımıza və baş məşqçinin göstərişlərinə güvənmişik. Oyuna öz dəyərimizi nümayiş etdirə biləcəyimizə tam şəkildə inanaraq hazırlaşırıq. “Qarabağ” keyfiyyətli komandadır, Çempionlar Liqasında çox yaxşı iş görür. Çətin bir oyun olacağını bilirik. Azarkeşlərimizin dəstəyi bizim üçün həlledici olacaq və əlavə güc verəcək”.
