ETOPAZ 
AFFA oyunun nəticəsini ləğv etdi
Azərbaycan çempionatının II Liqasında daha bir oyunun nəticəsi ləğv edilib. XVI turun “Göygöl” – “Qusar” qarşılaşması ilə bağlı qərarı AFFA-nın İntizam Komitəsi verib.
Matçın 82-ci dəqiqəsində “Qusar”ın heyətində Emil Valehovun əvəzinə adı protokolda qeyd edilməmiş Elnur Dəmirli oyuna daxil olub. Bu üzdən Qusarın eyniadlı təmsilçisinə 0:3 hesablı texniki məğlubiyyət verilib. Klub 400 manat cərimə olunub.
Qeyd edək ki, matç 3:3 hesabı ilə başa çatıb.
