ETOPAZ 
Abdullah Zubir həftənin oyunçusu adına namizədlər sırasında
Konfrans Liqası və Avropa Liqasında həftənin oyunçuçusu adına namizədlər müəyyənləşib. UEFA qrup mərhələsinin IV tur matçlarından sonra ən yaxşı olmağa hər turnirdə 4 iddiaçı seçib.
Konfrans Liqasında ən yaxşı olmağa namizədlər arasında “Qarabağ”ın yarımmüdafiəçisi Abdullah Zubir də var. Qazaxıstanda “Kayrat” üzərindəki 2:1 hesablı qələbəyə 1 qolla töhfə verən fransalı futbolçu həftənin oyunçusu olmağa iddia edir. Onun rəqibləri Andre Qrin (“Slovan”), Keyto Nakamura (LASK) və Ola Solbakkendir (“Bodo/Qlimt”).
Avropa Liqasında Sair Benrahma (“Vest Hem”), İslam Slimani (“Lion”), Rikardo Horta (“Braqa”) və Mussa Diabi (“Bayer”) ən yaxşı seçilə bilər. Qaliblər UEFA-nın azarkeşlər arasında apardığı səsvermə yekununda bilinəcək.
