ETOPAZ 
A seriyasının ikincisi
İtaliyanın “İnter” klubunun baş məşqçisi Simone İnzaqi A seriyasında 200-cü matçını keçirib. “Sampdoriya” ilə qarşılaşma 2:2 hesabı ilə başa çatıb. Yubilyar bu müddətdə 110 qələbə qazanıb. O, “Latsio” və “İnter”də çalışıb.
İnzaqi qələbəyə görə üç xalın verilməyə başladığı 1994-cü ildən sonrakı dövrdə ilk 200 matçında ən çox qələbə qazanan ikinci baş məşqçidir. Rekord “İnter” və “Yuventus”un sabiq çalışdırıcısı Antonio Konteyə məxsusdur. O, 200 oyunda 136 qələbəyə sevinib.
