ETOPAZ 
A seriyasında yeni rekord
Zlatan İbrahimoviç İtaliya A seriyasında dubla imza atıb. “Milan”ın isveçli hücumçusu “Fiorentina” ilə qarşılaşmada iki qol vurub.
XIII turda fərqlənən forvard 40 yaş 48 günlüyündə dubl müəllifi olub. O, İtaliya çempionatları tarixinə bir oyuna 2 və ya daha çox qol vuran ən yaşlı futbolçu kimi düşüb.
Zlatan Avropanın “Böyük beşlik” liqalarında ən azı dubl edən XXI əsrdəki ən yaşlı oyunçu olub.
Qeyd edək ki, A seriyasında yalnız iki futbolçu daha yaşlı ikən qol sevinci yaşayıb. Alessandro Kostakurta 41 yaş 25 günlüyündə, Silvio Piola 40 yaş 131 günlüyündə fərqlənib.
