ETOPAZ 
A seriyasında tamaşaçılarla bağlı məhdudiyyət götürüləcək
İtaliya A seriyasında tamaşaçı sayına qoyulan limit artırılacaq. Bu barədə qərar yaxın günlərdə veriləcək.
Hazırda A seriyasının oyunlarında stadionlar tutumunun 50 faizi qədər azarkeş qəbul edir. Futbol federasiyasının texniki komitəsi bu rəqəmin artırılması üçün hökumətlə danışıqları yekunlaşdırmaq üzrədir.
Tamaşaçı tutumunun 75 faizinin stadionlara buraxılması nəzərdə tutulub. Lakin bu qərar müvəqqəti xarakter daşıyacaq.
Çünki oktyabrın sonunda məhdudiyyətin tamamilə götürülməsi gözlənilir. Həmin vaxt stadionlar tam dolmaq imkanı qazanacaq.
