ETOPAZ 
7-ci oyunların rekordçusu
“Boston” pley-offun ikinci mərhələsinin 7-ci oyununda “Miluoki” ilə görüşüb. 109:81 hesablı qələbə qazanan “Seltiks” seriyada da qalib gəlib – 4:3.
Bu qələbədə Qrant Uilyams əsas pay sahiblərindən olub. 27 xal toplayan hücumçu karyerasının ən məhsuldar matçını keçirib.
Uilyams pley-offun 7-ci oyunları üçün rekord sayda – 18 üçxallıq atış edib. O, 7 dəfə dəqiq olmaqla da bu matçların rekorduna imza atıb.
Qeyd edək ki, “Boston” Şərq konfransının finalında “Mayami” ilə üz-üzə gələcək.
