ETOPAZ 
38 illik həsrətə son
Türkiyə çempionunun adı bəlli olub. Super Liqanın 35-ci turunda “Antalyaspor”u qəbul edən “Trabzonspor” 2:2 hesablı heç-heçəylə kifayətlənib.
Qazanılan bir xal Trabzon təmsilçisinə qızıl medalları təmin etmək üçün yetərli olub. Mövsümün sonuna üç tur qalmış 77 xala malik çempion ən yaxın izləyicisi “Fənərbaxça”dan 9 xal öndədir. İstanbul klubu “Trabzonspor”a çatmaq imkanına malik olsa da, şəxsi oyunlardakı üstünlük qızıl medalları rəsmiləşdirmək üçün kifayət edib.
38 illik çempionluq həsrətinə son qoyan trabzonlular tarixində 7-ci dəfə qızıl medalları qazanıb. Qaradəniz təmsilçisinin son uğuru 1983/84 mövsümündə yaşanmışdı.
