200-cü qələbə

200-cü qələbə

Yannik Sinner karyerasında 200-cü qələbəsini qazanıb. 22 yaşlı italiyalı Rotterdamda keçirilən ATP-500 turnirində buna nail olub.

Dünyanın 4-cü raketkası yarışın yarımfinalına yüksəlib. O, 200-cü qələbəsini kanadalı Miloş Raoniç üzərində qazanıb. Hesab 7:6 (7:4), 1:1 olarkən şimali amerikalı oyunu davam etdirmək istəməyib.

Sinnerin növbəti rəqibi Tallon Qrikspor olacaq. Turnirə sabah yekun vurulacaq. Yarışın mükafat fondu 2,1 milyon avro təşkil edir.