“Əsas məsələ rəqibə oynamağa imkan verməməkdir”

“Əsas məsələ rəqibə oynamağa imkan verməməkdir”

Azərbaycan millisi sabah AVRO-2024-ün seçmə mərhələsinə start verəcək. Avstriya ilə səfərdə keçiriləcək oyun ərəfəsində təşkil olunan mətbuat konfransında yığmanın kapitanı Emin Mahmudov da iştirak edib.

Təcrübəli yarımmüdafiəçi Lints şəhərindəki qarşılaşma haqda fikirlərini açıqlayıb:

“Komanda olaraq oyuna tam hazırıq. Rəqibin oyunlarını izləmişik, üstün və zəif cəhətlərini bilirik. Son oyunlarda nümayiş etdirdiyimiz oyunumuzu davam etdirməliyik. Komandada əhval-ruhiyyə yaxşıdır. Avstriya yaxşı pressinqə malik rəqibdir, sıx oynayır. Təbii ki, əsas məsələ rəqibə oynamağa imkan verməməkdir. Son oyunlarda ardıcıl qələbə seriyası yaxalamışıq. Çalışacağıq ki, uğurlu seriyanı davam etdirək”.