Ən yaxşı debütant

Ən yaxşı debütant

NBA-da mövsümün ən yaxşı debütantı bəlli olub. “Orlando”nun basketbolçusu Paolo Bankero səsvermədə hamını qabaqlayıb.

Hücumçu 100 respondentdən 98-i tərəfindən 1-ci yerə layiq görülüb O, Ceylen Uilyams (“Oklahoma”) və Uoker Kessleri (“Yuta”) böyük fərqlə üstələyib.

Bankero 2022-ci ilin draftında 1-ci nömrə ilə seçilib. O, son 50 ildə debüt mövsümündə orta məhsuldarlığı ən azı 20,0, ribaund sayı 6,0, ötürmələri 3,0-a bərabər olan 6-cı basketbolçudur. O, 6,9 ribaund və 3,7 assistə malikdir.

Ardıcıl 4 ay ən yaxşı debütant seçilən Bankero “Orlando” tarixində bu mükafatı qazanan 3-cü oyunçudur. Onadək Şakil Onil və Mayk Miller mövsümün ən yaxşı debütantı seçilib.